| amiko-sport.ucoz.c |
 |
|
მთავარი » 2011 » თებერვალი » 5 » ფერგიუსონი ოცდამეხუთედ, ბერბატოვი მეორედ
8:44 PM ფერგიუსონი ოცდამეხუთედ, ბერბატოვი მეორედ |
პრემიერლიგაში იანვრის საუკეთესო მოთამაშე და მწვრთნელი დაასახელეს. ორივე პრიზი "მანჩესტერ იუნაიტედის" წევრებს შეხვდა. საუკეთესო ფეხბურთელად "მანკუნიანელთა" ბულგარელი თავდამსხმელი, დიმიტარ ბერბატოვი აღიარეს, ხოლო ინგლისურ ელიტაში მომუშავე სპეციალისტებში ლეგენდარული სერ ალექს ფერგიუსონი გამოარჩიეს.
"მანჩესტერისთვის" იანვარი ძალიან წარმატებული გამოდგა. წლის პირველ თვეში "იუნაიტედმა" 5 შეხვედრა ჩაატარა, რომელთაგან 4 მოიგო და ერთიც ფრედ დაასრულა. "მანკუნიანელებმა" "ვესტ ბრომვიჩს" (2:1), "სტოკს" (2:1), "ბირმინგემსა" (5:0) და "ბლექპულს" (3:2) სძლიეს, ხოლო "ტოტენჰემთან" (0:0) ქულები გაიყვეს. აღსანიშნავია, რომ მანჩესტერელთა შოტლანდიელი დამრიგებელი, ალექს ფერგიუსონი უკვე 25-ედ დაასახელეს თვის საუკეთესო სპეციალისტად.
ბერბატოვისთვის კი, ეს მხოლოდ მეორე აღიარებაა. თვის საუკეთესო ფეხბურთელად პირველად ის 2007 წლის აპრილში სცნეს, როცა ბულგარელი ჯერ კიდევ "ტოტენჰემის" რიგებში თამაშობდა. თანაც, მაშინ მან ტიტული რობი კინთან გაიყო.
ბერბატოვმა გასულ თვეში 5 გოლის გატანა შეძლო - "ბირმინგემთან" შეხვედრაში სლავმა ფორვარდმა ჰეთ-თრიქი შეასრულა, ხოლო "ბლექპულთან" იგი დუბლით გამოირჩა. შეგახსენებთ, რომ 19 გატანილი გოლით ბერბატოვი სათავეში უდგას პრემიერლიგის მიმდინარე გათამაშების ბომბარდირთა დავას.
|
|
ნანახია: 863 |
დაამატა: amirani
| რეიტინგი: 0.0/0 |
|
|
|
