ძაან მაგარი საიტია შემოდით!!!!!!

მშვიდობით სან სირო!

amirani — Mon, 14 May 2012 09:08:42 GMT

"მილანის" ფეხბურთელებმა, რომლებმაც ისტორია შექმნეს და რომლებსაც არასდროს დაივიწყებენ "როსონერის" გულშემატკივრები დღეს ბოლო მატჩი ითამაშეს. საფინალო სასტვენი ნიშანი იყო დაუვიწყარი გაცილების დაწყებისა, რომელიც ფილიპო ინძაგის, ალესანდრო ნესტას, რინო გატუზოს, მარკ ვან ბომელს, ჯანლუკა ძამბროტას, კლარენს ზეედორფსა და ფლავიო რომას მიეძღვნათ.

კლუბის ვიცე-პრეზიდენტი ადრიანო გალიანიც თმაშის დასრულებისთნავე მოედანზე ჩავიდა, რათა პერსონალურად გამომშვიდობებოდა თითოეულ მათგანს, განსაკუთრებული მადლობა კი ფილიპო ინძაგის გადაუხადა, რომელმაც თავისი მესამასე მატჩი ითამაშა მილანის მაისურით:

"126 გოლი და დღეს მილანმა კვლავ ინძგის გოლით გაიმარჯვა. გმადლობ იმისთვის, რომ ამ წლების განმავლობაში ჩვენთან იყავი." შემდეგ კი გალიანიმ ფანებს მიმართა: "ჩვენ გავაკეთებთ მაქსიმუმს, რათა მომავალ წელს ტიტული არავის დავუთმოთ."

ცერემონია რინო გატუზოს სიტყვებით გაგრძელდა: "მილანი" სამუდამოდ, სიკვდილამდე!" და სიმღერები "კურვა სუდისგან" ყველა იმ დიდებული ფეხბურთელისთვის, რომელმაც დღეს გუნდი დატოვა. ემოციური იყო გამომშვიდობება ფეხბურთელებთან, რომლებმაც ამდენი გამარჯვება და დიდება მოუტანეს გუნდს.

გუნდის ყველა წევრი და პერსონალი მატჩის დროს სათადარიგოთა სკამზე იყო, ისევე როგორც შესამჩნევად ემოციური მასიმო ამბროზინი, რომელმაც ცრემლები ვერ შეიკავა საკუთარი თანაგუნდელების მოედანზე უკანასკნელად ნახვისას.

შემდეგ კი ფეხბურთელები საბოლოოდ დაემშვიდობნენ "კურვა სუდს": რინო გატუზო და სანდრო ნესტა პირველები იყვნენ, შემდეგ ჯანლუკა ძამბროტა, რომელსაც მარკ ვან ბომელი და ფლავიო რომა მიყვნენ. უკანასკნელი კი ვინც ფანებს დაემშვიდობა იყო სუპერპიპო ინძაგი.

კონტე : ” დიდი მადლობა ალექს ! ”

amirani — Mon, 14 May 2012 09:07:18 GMT

ანტონიო კონტე დიდ მადლობას უხდის ალესანდრო დელ პიეროს , ამზადებს ” იუვენტუსს ” იტალიის თასის ფინალისთვის და ადასტურებს ინფორმაციას , რომლის თანახმადაც ჯორჯო კიელინის მარცხენა ბარძაყის არეში კუნთი დაეჭიმა : ” ჩემთვის და ფეხბურთელებისთვის , ის რაც ეხლა ხდება არის უდიდესი სიამოვნება . ფანტასტიური სეზონი იყო ! დაასრულა კალენდარული ციკლი ერთი მარცხის გარეშე , არის ენით აუღწერელი სიამოვნება ! რადგან ასეთ დროს აცნობიერებ , რომ ჩვენ ვერავინ დაგვეწევა . გაკვირვებული ვარ მისით . მას რაღაც დაუვიწყარი რამ გააჩნია . გენიალური ფეხბურთელი და არაჩვეულებრივი ადამიანია , ერთი რაც შემიძლია , მინდა მადლობა გადავუხადო ალექს . სწორედ ის უნდა გახდეს იტალიის თასის ფინალში , მატჩის მთავარი გმირი . დიახ , კიელინის გარკვეული პრობლემები აქვს მარცხენა ბარძაყის არეში და რაც ამ ეტაპზე შემიძლია 100 % – ით დავადასტურო , არის ის რომ ჯორჯო გამოტოვებს ” ნაპოლისთან ” დაპირისპირებას , ხოლო რაც შეეხება გაცილებით გრძელვადიან პროგნოზს , ამაზე გუნდის მედ შტაბი ისაუბრებს , რომელიც სხვადასხვა სახის სამედიცინო ტესტების შემდეგ გააკეთებს კიდევაც განცხადებას . დღეისთვის კი დავტკბეთ მიღწეულით და კარგად დავიმახსოვროთ ეს მიღწევა ! რადგან ანალოგიური შედეგი მომავალშიც გავიმეოროთ . მართლაც , რომ დიდ წარმატებას მივაღწიეთ , თუ გავითვალისწინებთ იმას , თუ რომელ პოზიციაზე დავასრულეთ შარშანდელი სეზონი ” .

რობერტო მანჩინი: “ტიტული დავიმსახურეთ”

amirani — Mon, 14 May 2012 09:01:56 GMT

"მანჩესტერ სიტის” მთავარ მწვრთნელ რობერტო მანჩინის მიაჩნია, რომ მისმა გუნდმა პრემიერლიგაში გამარჯვება სავსებით დაიმსახურა, რადგან მთელი სეზონის განმავლობაში მეტოქეებზე უკეთ თამაშობდა.
შეგახსენებთ, რომ 44 წლის შემდეგ, "სიტიმ” ინგლისის ჩემპიონობა "ქუინზ პარკ რეინჯერსის” მეტად დრამატულ ბრძოლაში დამარცხებით (3:2) მოიპოვა. მატჩის მსვლელობისას მანჩესტერელები 1:2 აგებდნენ და 3 ქულა მსაჯის მიერ ძირითადი დროისთვის დამატებულ 4 წუთში აიღეს.
"ტიტული დავიმსახურეთ, რადგან სხვებზე უკეთეს ფეხბურთს ვთამაშობდით. ყველაზე მეტი გოლი გავიტანეთ და ყველაზე ნაკლები გავუშვით. თან სეზონის მსვლელობისას "იუნაიტედი” ორჯერ დავამარცხეთ. მსგავში გადამწყვეტი მატჩი, როგორც "ქუინზ პარკ რეინჯერსთან” იყო, ჯერ არ მინახავს. კლუბის ისტორიაში მსგავსი თამაშები არ ყოფილა. ჩემი მოთამაშეებით ამაყი ვარ. მათ ამ ტიტულის მოპოვება ბოლო მატჩის ბოლო წამებამდე სურდათ”, – იუწყება მანჩინის სიტყვებს ESPN-ი.

ლიონელ მესი 2011/2012 წლების საუკეთესო გამტანია

amirani — Mon, 14 May 2012 08:58:12 GMT

ლიონელ მესიმ მეორე "პიჩიჩი" მოიგო კარიერაში. მოგეხსენებათ, ჯილდოს აძლევენ ლა ლიგის საუკუეთესო გამტანს. არგენტინელს ფენომენალური შედეგი და ამასთანავე, რეკორდი აქვს. მან მოახერხა რა გაიტანა 37 შეხვედრაში 50 გოლი, უშუალო კონკურენტს, კრისტიანო რონალდოს 4 გოლით გადაუსწრო ბომბარდირთა დავაში. წინა რეკორდი სწორედ პორტუგალიელს ეკუთვნოდა - 41 გოლი (შეგახსენებთ, რომ "მარკა" გადასცემს გამარჯვებულს ჯილდოს და მათი აზრით გოლი, რომელიც პეპეს ზურგით გავიდა, რონალდომ გაიტანა), თუმცა არგენტინელმა ეს მაჩვენებლი ცხრით გააუმჯობესა.

მარიანო მარტინიდან მესიმდე

ლიონელ მესიმ მეორეადგილოსან რონალდოს 4 გოლით, ხოლო მესამეადგილოსან ფალკაოს 27 გოლით გაუსწრო. პირველად არგენტინელმა აღნიშნული ჯილდო 2009/2010 წლების სეზონში აიღო, სადაც 34 გოლით გამოირჩა 35 შეხვედრაში.

მესიმდე 9 "ბარსელონას" ფეხბურთელმა მოახერხა ისტორიის მანძილზე "პიჩიჩის" დასაკუთრება: მარიანო მარტინი(1942/43 - 32 გოლი), სეზარ როდრიგესი (1948/49 - 28 გოლი), კაეტანო რე (1964/65 - 25 გოლი), კარლეს რექსაჩი(1970/71 - 17 გოლი), იოჰან კრანკლი (1978/79 - 29 გოლი), ქუინი (1980/81 - 20 გოლი, 1981/82 - 26 გოლი), რომარიო(1993/94 - 30 გოლი), რონალდო (1996/97 - 34 გოლი).

სამწუხაროა ის ფაქტი, რომ სამუელ ეტო'ოს შეეძლო აღნიშნული ჯილდოს მოგება 2004/05 წლების სეზონში, რომელიც დიეგო ფორლანთან ერთად 25 გოლს ინაწილებდა, მაგრამ მადრიდულმა გამოცემა "მარკამ" მადრიდის "ატლეტიკოს" ფორვარდს გადასცა პრიზი, რადგან კამერუნელის გოლი, რომელიც "მალიორკას" შეუგდო დეკოს ანგარიშზე ჩაწერეს.

მოურინიო: ”ეს გუნდი ისტორიაში ჩაეწერება თავისი 100 ქულით.”

amirani — Mon, 14 May 2012 08:54:46 GMT

ჟოზე მოურინიოსა და ხოსე კალეხონის ინტერვიუ

მოურინიო

"მადლობა ყველას იმისთვის, რომ ეს მაგიური საღამო გვაჩუქეს. ”მადრიდის რეალი” ფეხბურთის ისტორიაში საუკეთესო კლუბია და ყოველთვის ეცდება ტიტულის მოგებას. ეს გუნდი ისტორიაში თავისი 100 ქულით ჩაეწერება , ისევე , როგორც ეს ფეხბურთელები.”

კალეხონი

”სწორედ ამ ხალხმა და ამ გულშემატკივრებმა შეგვაძლებინეს ჩვენ ის, რასაც მივაღწიეთ. მათ ყოველთვის უფრო მეტი უნდა მივცეთ და მათთვის უფრო მეტი უნდა გავიღოთ.”

იტალიის სერია A-ს 36-ე ტურის ანონსი

amirani — Tue, 01 May 2012 10:32:30 GMT

გთავაზობთ იტალიის საფეხბურთო ჩემპიონატის მომავალი ტურის წინ ტრავმირებული და დისკვალიფიცირებული ფეხბურთელების ნუსხას.

1 მაისი
კიევო – რომა
კიევო – ტრავმირებულნი: გულანი, ანდრეოლი, დაინელი.
რომა – ტრავმირებულნი: შტეკელენბურგი, როსი, ბურდისო, ჟუანი. დისკვალიფიცირებულნი: ლამელა, ოსვალდო.

ნაპოლი – პალერმო
ნაპოლი – ტრავმირებულნი: კამპანიარო, დონადელი. დისკვალიფიცირებული: ჯემაილი.
პალერმო – ტრავმირებულნი: ბალძარეტი, დელა როკა.

2 მაისი
მილანი – ატალანტა
მილანი – ტრავმირებულნი: ინძაგი, რომა, პატუ, ამბროზინი.
ატალანტა – ტრავმირებულნი: ბრიგი, მარილუნგო, კაპელი. დისკვალიფიცირებული: დონი.

კატანია – ბოლონია
კატანია – ტრავმირებულნი: კაპუანო, ებაგუა, პალიალუნგა, პოტენცა, ლამა. დისკვალიფიცირებული: ბარიენტოსი.
ბოლონია – ტრავმირებულნი: ხიმენესი, პერესი, პულძეტი, ჟილე, კასარინი, ხრინი.

ჩეზენა – უდინეზე
ჩეზენა – ტრავმირებულნი: პუდილი, მარტინიო, კალდერონი, მარტინესი. დისკვალიფიცირებული: სანტანა.
უდინეზე – ტრავმირებულნი: ბადუ, ისლა, ფერონეტი, არმერო, ნატალე. დისკვალიფიცირებული: ბენატია.

ფიორენტინა – ნოვარა
ფიორენტინა – ტრავმირებულნი: კროლდრუპი, ბეჰრამი, ამაური, ვარგასი, მონტოლივო, ჩერჩი, გამბერინი.
ნოვარა – ტრავმირებულნი: მასკარა, ლუდი, მარიანინი, უიკანი.

ჯენოა – კალიარი
ჯენოა – ტრავმირებულნი: ანტონელი, კონსტანტი, ბოვო. დისკვალიფიცირებული: იანკოვიჩი.
კალიარი – ტრავმირებულნი: ერიქსონი, დესენა, რუი სამპაიო, ელ კაბირი.

იუვენტუსი – ლეჩე
იუვენტუსი – ტრავმირებულნი: პეპე.
ლეჩე – ტრავმირებულნი: ჟულიო სერჟიო. დისკვალიფიცირებული: ესპოზიტო.

ლაციო – სიენა
ლაციო – ტრავმირებულნი: მაკინვა, ერნანესი, რადუ, ლულიჩი, კლოზე, სტანკევიჩიუსი, ბროკი, ბიავა, მატუზალემი. დისკვალიფიცირებულნი: მარკეტი, დიასი.
სიენა – ტრავმირებულნი: გიორგი, გონსალესი, კალაიო, ანჯელო.

პარმა – ინტერი
პარმა – ტრავმირებულნი: მარიგა, ძაკარდო. დისკვალიფიცირებული: გობი.
ინტერი – ტრავმირებულნი: კასტაინოსი, სამუელი, ძანეტი, კივუ.

1.	იუვენტუსი	35	21	14	0	62:18	77
2.	მილანი	35	22	8	5	68:28	74
3.	ნაპოლი	35	14	13	8	62:43	55
4.	უდინეზე	35	15	10	10	47:35	55
5.	ინტერი	35	16	7	12	52:47	55
6.	ლაციო	35	16	7	12	50:45	55

ბომბარდირები
იბრაჰიმოვიჩი („მილანი") – 26, კავანი („ნაპოლი") – 22, დი ნატალე („უდინეზე") – 21, მილიტო („ინტერი") – 20, პალასიო („ჯენოა") – 18, დენისი („ატალანტა") – 16, იოვეტიჩი („ფიორენტინა") – 14, მიკოლი ("პალერმო"), ჯოვინკო („პარმა") – 13.

კვიპროსული და არგენტინული სასწაულები გრძელდება

amirani — Thu, 08 Mar 2012 11:03:51 GMT

2012 წლის 7 მარტს, საფეხბურთო სამყაროს 2 გმირი ჰყავდა. ერთი კვიპროსული "აპოელია", ხოლო მეორე – არგენტინელი ლიონელ მესი. "აპოელი" კვიპროსის პირველი წარმომადგენელია, რომელმაც ჩემპიონთა ლიგის საუკეთესო 16 გუნდს შორის ყოფნა დაიმსახურა. ეს უკვე სენსაცია იყო და რაღა უნდა ვთქვათ იმაზე, რომ ივან იოვანოვიჩის შეგირდებმა 1/8-ფინალიც დასძლიეს და ევროპის 8 საუკეთესო კლუბს შორის მოხვდნენ?
"ბარსელონასა” და "ლევერკუზენის” დაპირისპირების ფონრზე, აპოელი-"ლიონის” მატჩი უფრო დამაინტრიგებელი ჩანდა, მაგრამ აბა, ვინ იფიქრებდა, რომ ამ შეხვედრას ასეთი დრამატული ფინალი ექნებოდა.
2 კვირის წინათ მოპოვებული უპირატესობა "ლიონმა” გუშინდელი შეხვედრის სტარტზევე გაანიავა. მიმდინარეობდა მე-9 წუთი, როდესაც ხარალამბიდისი საჯარიმოში მარჯვენა ფლანგიდან შეიჭრა და საპირისპირო ძელთან მყოფ მანდუკას უპასა, ხოლო ამ უკანასკნელმა, ვარდნაში დარტყმით, ბურთი ცარიელ კარში მოათავსა და როგორც მოგვიანებით გაირკვა, თამაში ჯერ დამატებით ტაიმებამდე, შემდეგ კი თერთმეტმეტრიანების სერიამდე მიიყვანა. სანამ საქმე საფეხბურთო ლატარეად წოდებულ დაპირისპირებამდე მივიდოდა, გოლის გატანის შანსი ორივე გუნდს ჰქონდა, მაგრამ თერთმეტმეტრიანების სერია მაინც გახდა საჭირო. გუნდებმა პირველი 6 პენალტი ზუსტად შეასრულეს, რის შემდეგაც, ხიოტისმა "ლიონის” ფეხბურთელების 2 დარტყმა მოიგერია და გუნდს 1/4-ფინალში გაუძღვა.
ახალი რეკორდების დამყარებასა და აქამდე არსებულის გამეორებას მოხმარდა "ბარსელონასა” და "ლევერკუზენის” მატჩის 90 წუთი. შეხვედრის გმირად ლიონელ მესი იქცა, რომელმაც თავისი სახელი ისტორიაში კიდევ ერთხელ ჩაწერა.
მსოფლიოს ბოლო სამგზის საუკეთესო ფეხბურთელმა, 25-ე წუთზე, ჩავის გადაცემა მიიღო და მეკარესთან პირისპირ გასულმა, წინგამოსულ ლენოს ბურთი თავს ზემოთ გადაუგდო. ტაიმის მიწურულს, ინიესტამ საჯარიმოს წინა ხაზთან მყოფი მესი მოძებნა, არგენტინელმა ორ მცველს გვერდზე ჩაუარა და დაახლოებით 19 მეტრიდან დარტყმით, ლენოს აუღებელი დაურტყა.
მე-2 ტაიმი 5 წუთის დაწყებული იყო, როდესაც მესის საგოლე გადაცემა "ბარსას” მე-3 ნახევარმცველმაც გაუკეთა. ფაბრეგასის პასის შემდეგ, მესიმ ლენოს ბურთი თავს ზემოთ კიდევ ერთხელ გადაუგდო და მიმდინარე გათამაშებაში თავისი მე-10 გოლი გაიტანა. 53-ე წუთზე, გვარდიოლამ მოედნიდან ინიესტა და ჩავი გაიყვანა, მაგრამ ამით "ლევერკუზენელთა” ტანჯვა არ შემსუბუქებულა. ინიესტას ნაცვლად მოედანზე შესულმა ტელიომ ორ წუთში ბურთი მარცხენა ფლანგზე მიიღო და საჯარიმოში შეჭრილმა, ჩემპიონთა ლიგაზე თავისი პირველი გოლი გაიტანა. 58-ე წუთზე, კატალონიელებმა საჯარიმოს მისადგომებთან კომიბნაცია ზუსტად ვერ გაითამაშეს, მაგრამ ლენო უხეიროდ გაისარჯა და მის მიერ ბურთის ცუდად მოგერიების შემდეგ, მესის ცარიელ კარში გატანაღა დარჩენოდა. ამ გოლის შემდეგ, მესი გახდა ჩემპიონთა ლიგის ისტორიაში პირველი ფეხბურთელი, რომელმაც ორ მატჩში მოახერხა სამ გოლზე მეტის გატანა. გავიდა კიდევ 4 წუთი და მარჯვენა ფლანგიდან ალვეშმა საჯარიმოს საპირისპირო მხარეს მყოფი ტელიო მოძებნა, რომელმაც დუბლი შეასრულა.
85-ე წუთზე, ლიონელ მესიმ კიდევ ერთი და აქამდე თითქოს ძალზე ძნელად მიღწევადი რეკორდი დაამყარა. საჯარიმოს წინა ხაზიდან, არგენტინელმა ლენოს აუღებელი დაურტყა და იგი გახდა პირველი ფეხბურთელი, რომელმაც ჩემპიონთა ლიგის ერთ მატჩში 5 გოლის გატანა მოახერხა. ეს გოლი მესისთვის მიმდინარე გათამაშებაში მე-12 იყო. ჩემპიონთა ლიგის ისტორიაში (1992 წლიდან), ერთ სეზონში 12 გოლი სარეკორდოა. აქამდე, ამდენი ბურთის გატანა რუდ ვან ნისტელროიმ და მესიმ (გასულ სეზონში) მოახერხეს. არგენტინელს კარგი შანსი აქვს, რეკორდის მესაკუთრე ერთპიროვნულად გახდეს. "ლევერკუზენთან” თამაშის შემდეგ, მესის ჩემპიონთა ლიგაზე უკვე 49 გოლი აქვს გატანილი. ამ მაჩვენებლით, მან ფილიპო ინძაგისა და ანდრეი შევჩენკოს გადაუსწრო და მე-4 პოზიციაზე გადაინაცვლა. მის წინ ტიერი ანრი (50 გოლი), რუდ ვან ნისტელროი (56) და რაული (71) არიან.
"ბარსას” რომ 7:0 მოეგო, კატალონიელები ახალ რეკორდს დაამყარებდნენ. ჩემპიონთა ლიგის პლეი ოფში შვიდბურთიანი სხვაობით ჯერ არავის მოუგია. 7:1 ორჯერ იყო დაფიქსირებული. ერთხელ "მანჩესტერმა” "რომა” გაანადგურა და ერთხელაც, "ბაიერნმა” "სპორტინგი” არ დაინდო. ინგლისურ და გერმანულ გუნდებს "ბარსა” მას შემდეგ შეუერთდა, რაც 90-ე წუთზე, "ლევერკუზენმა” თამაშში ერთადერთი ზუსტი დარტყმა განახორციელა და ბელარაბიმ ეფექტური გოლი გაიტანა.

ბარსელონა-ლევერკუზენი 7:1 (2:0)
ბარსელონა, "კამპ ნოუ” 75632
ბარსელონა (4-3-1-2): ვალდესი, ალვესი, პიკე, მასკერანო, ადრიანო (მუნიესა 63), ბუსკეტსი, ჩავი (კეიტა 53), ინიესტა (ტელიო 53), ფაბრეგასი, პედრო, მესი
მწვრთნელი: ხოსეპ გვარდიოლა
ლევერკუზენი (4-4-2): ლენო, კასტრო, შვააბი, ტოპრაკი, კადლეცი, რაინარტცი, ბენდერი (შიურლე 55), როლფესი, აუგუსტო (ოსზიპკა 68), კისლინგი, დერდიუკი (ბელარაბი 55)
მწვრთნელი: რობინ დუტი
გოლები: 1:0 მესი (25), 2:0 მესი (43), 3:0 მესი (50), 4:0 ტელიო (55), 5:0 მესი (58), 6:0 ტელიო (62), 7:0 მესი (85), 7:1 ბელარაბი (90)
გაფრთხილებები: როლფესი 12, კასტრო 45
მსაჯი: სვეინ ოდვარ მოენი (ნორვეგია)
ბურთის ფლობა: 70%-30%, დარტყმა: 14 (11)-2 (1), კუთხური: 6-1, თამაშგარე: 6-0, სეივი: 0-6, ჯარიმა: 8-12.

აპოელი-ლიონი 1:0 (1:0) (პენ: 4:3)
სტროვოლოსი, "ნეო GშP” 21000
აპოელი (4-2-3-1): ხიოტისი, პურსაიტიდისი, ოლივეირა, პაულუ ჟორჟე, ბოავენტურა, მორაიში, სოუზა (ალექსანდრუ 94), ხარალამბიდისი (მარსინიო 77), ალმეიდა, მანდუკა, სოლარი (ტრიკოვსკი 73).
მწვრთნელი: ივან იოვანოვიჩი.
ლიონი (4-2-3-1): ლორისი, რევეიერი, კონე, კრისი, სისოკო, გონალონსი, კელსტრომი, ბრიანი (ლაკაზეტე 100), ედერსონი (გომისი 73), ბასტოსი, ლოპესი.
მწვრთნელი: რემი გარდი.
გოლი: 1:0 მანდუკა (9).
თერთმეტმეტრიანები: კელსტრომი 0:1, ალმეიდა 1:1, ლოპესი 1:2, მორაიში 2:2, გომისი 2:3, ალექსანდრუ 3:3, ლაკაზეტე 3:3, ტრიკოვსკი 4:3, ბასტოსი 4:3.
გაფრთხილებები: მანდუკა 10, სოლარი 52, ალმეიდა 88, ბოავენტურა 101 – ბასტოსი 52, კონე 65, გონალონსი 112.
გაძევება: მანდუკა 115.
მსაჯი: უნდიანო მალიენკო (ესპანეთი).
ბურთის ფლობა: 47%-53%, დარტყმა: 8 (3)-15 (8), კუთხური: 2-11, თამაშგარე: 6-4, სეივი: 8-2, ჯარიმა: 20-26.

მანდუკას გოლი: ბრაზილია 600-მდე ავიდა

amirani — Thu, 08 Mar 2012 11:01:37 GMT

მანდუკას გოლი მე-600 იყო, რომელიც ჩემპიონთა ლიგის

ისტორიაში ბრაზილიელ ფეხბურთელებს გაუტანიათ

აპოელ-ის ბრაზილიელი ნახევარმცველი გუსტავო მანდუკა "ლიონთან” ჩემპიონთა ლიგის საპასუხო მერვედფინალური მატჩის ერთ-ერთი გმირი გახლდათ. მართალია, 115-ე წუთზე გააძევეს, მაგრამ შეხვედრის ერთადერთი გოლი ხომ სწორედ მან გაიტანა. ეს მე-600 გოლი იყო, რომელიც ჩემპიონთა ლიგის ისტორიაში ბრაზილიელ ფეხბურთელებს გაუტანიათ.

ბრაზილიელებს ყველაზე ხშირად გააქვთ ჩემპიონთა ლიგაში. მათ უკვე 600 გოლი აქვთ, მეორეზე კი ამ მაჩვენებლით ფრანგები არიან – 473. სხვაობა საკმაოდ დიდია.

“არსენალის” ღირსების ბრძოლა

amirani — Tue, 06 Mar 2012 18:49:49 GMT

მიუხედავად იმისა, რომ დღეს ლონდონში ერთმანეთის პირისპირ "არსენალისა” და "მილანის” ფეხბურთელები წარსდგებიან, დღის ცენტრალურ მატჩად მაინც "ბენფიკა”-"ზენიტის” შეხვედრა შეიძლება მივიჩნიოთ. პორტუგალიაში რომ უფრო დაძაბული თამაში გაიმართება, ეს სადავო ნამდვილად არაა. რაც შეეხება თავიდანვე 1/8-ფინალების ცენტრალურ დაპირისპირებად მიჩნეულ წყვილს, იქ "არსენალი”, ალბათ, ღირსეულად გავარდნისთვის თუ იბრძოლებს.

არსენალი-მილანი (პირველი მატჩი 0:4)

1/8-ფინალების კენჭისყრის შემდეგ ვინ იფიქრებდა, რომ ამ წყვილში, პირველი თამაშის შემდეგ ყველაფერი გარკვეული იქნებოდა. "მილანი” თავიდანვე ფავორიტად მიიჩნეოდა, მაგრამ ბოლო დროს ათამაშებული "არსენალის” 0:4 წაგება შეგვიძლია სენსაციათა რიგს მივაკუთვნოთ.

2 კვირის წინათ გამართული შეხვედრის გარდა, გუნდები ერთმანეთს 4-ჯერ შეხვედრიან. 1995 წელს, უეფას სუპერთასზე, "მილანმა” შინ 2:0 მოიგო. ლონდონში გუნდებმა უგოლოდ ითამაშეს. 2008 წელს, ლიგის 1/8-ფინალში, მილანში უკვე "არსენალმა” იმარჯვა 2:0, ხოლო ინგლისის დედაქალაქში გუნდებმა გოლის გატანა ვერც ამჯერად მოახერხეს.

"არსენალი” იტალიის წარმომადგენლებს სულ 28-ჯერ შეხვედრია. ლონდონელებს 13 მოგება, 8 ფრე და 7 მარცხი დაუგროვდათ. საკუთარ კედლებში "არსენალმა” 7-ჯერ მოიგო, 3-ჯერ ფრედ ითამაშა და 2-ჯერ წააგო.

"მილანის” ინგლისურ გუნდებთან დაპირისპირების ისტორია 33 შეხვედრას ითვლის. იტალიელებს 11-11 მოგება, ფრე და წაგება აქვთ. გასვლაზე, "მილანს” 1 მოგება, 5 ფრე და 8 მარცხი დაუგროვდა.

შეხვედრას სლოვენიელი დამირ სკომინა განსჯის. მისი მონაწილეობით ჩატარებულ მატჩებში ორივე გუნდს ასპროცენტიანი შედეგი აქვს. "არსენალმა” ერთხელ მოიგო, ხოლო "მილანმა” – 3-ჯერ.

ევროპაში ბევრი ისეთი გუნდი ნამდვილად არ მოიძებნება, რომლის ლაზარეთშიც უფრო მეტი ფეხბურთელი იმყოფება, ვიდრე "არსენალის”, ან "მილანის”. ტრავმების გამო, დღეს ლონდონელებს სანტოსი, მერტეზაკერი, უილშირი და რემზი დააკლდებიან. საეჭვოა ვერმაელენის, დიაბის, ბენაიუნის, არტეტასა და გიბსის თამაშიც. რაც შეეხებათ სტუმრებს, ტრავმირებული პატოს, იეპესის, აკვილანის, კასანოს, მერკელის, სტრასერისა და გატუზოს გარდა, ისინი დისკვალიფიცირებულ ამბროზინისაც მოისაკლისებენ. ჩემპიონთა ლიგის განაცხადში არ არიან ინძაგი და მუნტარი.

• პრემიერლიგის ბოლო 2 საშინაო მატჩიდან, "არსენალმა” ერთში 7 გოლი გაიტანა, ხოლო მეორეში – 5;

• ყველა ტურნირზე ჩატარებულ ბოლო თერთმეტ თამაშში, რობინ ვან პერსიმ მეტოქეთა კარი 10-ჯერ აიღო;

• ჩემპიონთა ლიგის ბოლო ოთხ გათამაშებაში, "მილანი” ასპარეზობას 1/8-ფინალიდან ეთიშებოდა;

• ჩემპიონთა ლიგის ისტორიაში, ორრაუნდიან დაპირისპირებაში, ოთხბურთიანი ჩამორჩენა არცერთ გუნდს არ აღმოუფხვრია. ევროტურნირებზე უკანასკნელად ასეთი რამ 1985 წელს მოხდა, როდესაც უეფას თასზე მიონხენგლადბახის "ბორუსიასთან” 1:5 წაგების შემდეგ, მადრიდის "რეალმა” 4:0 მოიგო;

• ჩემპიონთა ლიგაზე ჩატარებული ბოლო 7 მატჩიდან, ექვსში "მილანმა” მინიმუმ 2 გოლი გაიტანა;

• "მილანი” ევროტურნირებზე 350-ე თამაშს ჩაატარებს;

• მიმდინარე გათამაშებაში ზლატან იბრაჰიმოვიჩი 20-ჯერ დაჯარიმდა, რაც სტეფან კისლინგის შედეგთან ერთად, ყველაზე მაღალი მაჩვენებელია;

• "არსენალი” მეტოქეს მე-2 ტაიმის საწყის 15 წუთში განსაკუთრებით უნდა უფრთხოდეს. დროის ამ მონაკვეთში "მილანმა” 5 გოლი გაიტანა, მათ შორის ერთი 2 კვირის წინათ, ლონდონელთა კარში;

• "მილანმა” ჩემპიონთა ლიგის ბოლო 5 გასვლითი მატჩიდან 4 ფრედ ითამაშა და 1 მოიგო;

• "არსენალმა” ჩემპიონთა ლიგის ბოლო 12 საშინაო შეხვედრიდან 10 მოიგო და 2 ფრედ ითამაშა;

• "არსენალს” ჩემპიონთა ლიგის ბოლო 2 მატჩი წაგებული აქვს. ამ ტურნირზე ლონდონელებს ზედიზედ 3-ჯერ არასდროს წაუგიათ;

• მიმდინარე გათამაშებაში, ზლატან იბრაჰიმოვიჩი მოედანზე 5-ჯერ გავიდა და მან გოლი ყველა ამ შეხვედრაში გაიტანა.

სავარაუდო შემადგენლობები

არსენალი (4-2-3-1): სჩეზნი, სანია, კოსილნი, ვერმაელენი, გიბსი, სონგი, არტეტა, უოლკოტი, როსიცკი, ჟერვინიო, ვან პერსი.

მილანი (4-3-2-1): აბიატი, აბატე, მექსე, სილვა, ანტონინი, ნოჩერინო, ვან ბომელი, ემანუელსონი, ელ შაარავი, იბრაჰიმოვიჩი, რობინიო.

მსაჯი: დამირ სკომინა (სლოვენია).

ბენფიკა-ზენიტი (პირველი მატჩი 2:3)

ამ წყვილში თავიდანვე დიდი ბრძოლა იყო მოსალოდნელი და პირველი მატჩის შემდეგ არაფერი შეცვლილა. ფავორიტი კვლავ "ბენფიკაა”, მაგრამ პორტუგალიელებს საკუთარ კედლებში აუცილებლად მოგება სჭირდებათ.

გუნდების ურთიერთშეხვედრების ისტორიამ სათავე 2 კვირის წინათ აიღო.

"ბენფიკას” რუსეთის წარმომადგენლებთან 9-ჯერ უთამაშია. პორტუგალიელებმა 3-ჯერ მოიგეს, 4-ჯერ ფრედ ითამაშეს და 2-ჯერ წააგეს. საკუთარ კედლებში, "ბენფიკამ” 2-ჯერ იმარჯვა და ამდენჯერვე ფრედ ითამაშა.

"ზენიტს” პორტუგალიურ კლუბებთან ჩატარებულ ექვს თამაშში 3 მოგება, 2 ფრე და 1 მარცხი დაუგროვდა. გასვლაზე რუსებმა თითოჯერ ფრედ ითამაშეს და წააგეს.

უეფამ შეხვედრის განსასჯელად ინგლისელი ჰოვარდ უები მიავლინა. აქამდე, მას ორივე გუნდის მატჩში მონაწილეობა თითოჯერ მიუღია. პორტუგალიელებმა საკუთარ კედლებში წააგეს, ხოლო რუსებმა ასევე საკუთარ კედლებში მოიგეს.

ორივე გუნდი მატჩს დანაკლისით ხვდება. "ბენფიკას” დისკვალიფიცირებული აიმარი არ ეყოლება. საეჭვოა გარაის მოედანზე ხილვაც. "ზენიტს” თამაში ტრავმირებული დანის გარეშე მოუწევს.

• "ბენფიკას” ევროტურნირების პლეი ოფის პირველი მატჩი 31-ჯერ წაუგია. შემდეგ ეტაპზე პორტუგალიელები 9-ჯერ გავიდნენ;

• ყველა ტურნირზე ჩატარებულ ბოლო 14 თამაშში, ოსკარ კარდოსომ ამდენივე გოლი გაიტანა;

• "ზენიტი” ბოლო 18 შეხვედრაში დაუმარცხებელია;

• დღეს "ბენფიკა” ჩემპიონთა ლიგის ფინალურ ეტაპზე თავის 50-ე თამაშს ჩაატარებს;

• "ბენფიკა” განსაკუთრებით სახიფათო შეხვედრის დასაწყისშია. პორტუგალიელთა მიერ სულ გატანილი 10 გოლიდან 6 პირველ ნახევარ საათზე მოდის. რაც შეეხება "ზენიტს”, მას გოლების გატანა ყველაზე კარგად 61-დან 75-ე წუთამდე გამოდის. დროის ამ მონაკვეთში, სანკტ-პეტერბურგელებმა მეტოქის კარი 4-ჯერ აიღეს.

სავარაუდო შემადგენლობები

ბენფიკა (4-2-3-1): მორაეში, პერეირა, ლუიზაო, ვიტორი, ემერსონი, ვიტსელი, გარსია, გაიტანი, ნოლიტო, სეზარი, კარდოსო.

ზენიტი (4-2-3-1): მალაფეევი, ანიუკოვი, ჰუბოკანი, ლომბაერტსი, ლუკოვიჩი, ზირიანოვი, დენისოვი, ფაიზულინი, შიროკოვი, ლაზოვიჩი, კერჟაკოვი.

მსაჯი: ჰოვარდ უები (ინგლისი).

მიშა ზაქარეიშვილი

შენიშვნა: ურთიერთშეხვედრების ისტორიაში გათვალისწინებულია მხოლოდ უეფას ეგიდით ჩატარებული თამაშები.

თემურ ქეცბაია: “პირველი ტაიმის შემდეგ, ბიჭებთან ძალიან მკაცრი საუბარი გვქონდა”

amirani — Wed, 29 Feb 2012 18:14:44 GMT

საქართველოს ფეხბურთელთა ეროვნული ნაკრების მთავარმა მწვრთნელმა - თემურ ქეცბაიამ, ალბანეთთან მატჩის შემდეგ (2:1), ხაზი გაუსვა, რომ მისი გუნდის მიერ პირველ ტაიმში ნაჩვენები თამაშით უკმაყოფილო დარჩა, ხოლო მე-2 ნახევარში, მისი აზრით, ნაკრებმა რადიკალურად განსხვავებული ფეხბურთი ითამაშა.

თემურ ქეცბაია: კარგია, რომ წელიწადი მოგებით დავიწყეთ. ეს თამაში შეგვიძლია ორმხრივად შევაფასოთ – პირველი ტაიმი და მეორე ტაიმი. პირველით უკმაყოფილო ვარ. თუმცა, გასაგებია, რომ ფეხბურთელთა უმეტესობას სეზონი არ დაუწყია და შეკრებიდან ახლა დაბრუნდნენ. მე-2 ტაიმში ნაჩვენები ჩვენი თამაშით კი, კმაყოფილი დავრჩი. ბიჭებმა მატჩის შემობრუნება შეძლეს. წარმატებას ვიმსახურებდით და გავიმარჯვეთ. ამ დონეზე, პატარა შეცდომას არავინ გაპატიებს, ამიტომ, ყურადღებით უნდა ვიყოთ. ამ ახალგაზრდა ბიჭებმა ყველას დაანახეს, რომ ლამაზი, შემტევი ფეხბურთის თამაში შეუძლიათ. ჩვენთვის ყველა თამაში მნიშვნელოვანია და კარგია, რომ მოგებით დავიწყეთ.

- განვლილ მატჩში, საქართველოს ნაკრების თამაშში ყველაზე მეტად რისი დანახვა გინდოდათ?

- ამ ფეხბურთელების კონდიციები მაინტერესებდა. მინდოდა გამეგო, როგორ ფორმაში არიან ისინი. უმეტესობას ჯერ საკუთარ კლუბებში სეზონი არ დაუწყია. ვნახე ხარვეზები. სასიამოვნოა, რომ ფეხბურთელებმა მე-2 ტაიმი კარგად ჩაატარეს. 45 წუთი პრესინგი ვითამაშეთ. ხშირად ისე ხდება ხოლმე, რომ შენს კარში ერთხელ დაარტყავენ და გოლი გააქვთ. ჩვენ კი, 2 პენალტი ვერ გამოვიყენეთ და ვერც, საგოლე მომენტების რეალიზება შევძელით. ასეთი რეალური მომენტები კარგად უნდა გამოვიყენოთ, რადგან შესარჩევ ციკლში ისეთ გუნდებს ვეთამაშებით, რომ საგოლე მომენტი ბევრი არ იქნება.

- განვლილ თამაშში კიდევ ერთხელ გამოჩნდა, რომ თავდასხმის რგოლში გუნდს პრობლემა აქვს. დვალიშვილმა რამდენიმე თამაში ჩაატარა, მაგრამ თავი ვერ გამოიჩინა. უნდა ველოდოთ თუ არა ახალ სახეებს მომავალ მატჩებში?

- არ ვიტყოდი, რომ თავდაცვის რგოლში გვიჭირს. თუ გაძლიერებაზე ვსაუბრობთ, მაშინ, სასურველია, ყველა რგოლში გავძლიერდეთ. დვალიშვილმა ფსიქოლოგიური ბარიერი ვერ გადალახა. მას გოლის გატანა სჭირდება, უფრო თავდაჯერებული რომ გახდეს. ჩვენ მისი გვჯერა. სხვათაშორის, სხვა მატჩებთან შედარებით, მისი თამაშით კმაყოფილი ვარ. იმედია, მოუმატებს და ჩვენ გუნდში ერთ-ერთი საუკეთესო გახდება.

- ალბანეთის მთავარმა მწვრთნელმა მსაჯობას საშინელი უწოდა. თქვენ რას იტყვით ამის თაობაზე? ხომ არ მიმდინარეობს მუშაობა იმაზე, რომ გუნდში იყოს სტაჟიანი პენალტისტი, რომელიც მომავალში თერთმეტმეტრიანებს შეასრულებს?

- მეტოქე რა შეფასებას მისცემს მსაჯობას, არ მაინტერესებს. იყო თუ არა პენალტი, ეს მე არ დამინახავს. ეს მსაჯის გადასაწყვეტია. სხვათაშორის, ჩვენ გოლი პენალტით არ გაგვიტანია. მსაჯის გადაწყვეტილების შეფასება არ მინდა. ჩვენ განსაზღვრული გვქონდა, თუ ვის უნდა დაერტყა პენალტი. პირველი ტაიმის შემდეგ ანანიძე გავიდა და დარჩა თარგამაძე, რომელმაც ასევე ვერ გაიტანა. რავიცი, ვარჯიშებზე გააქვთ. იმედია, ვინმეს ვიპოვნით, ვინც გაიტანს.

- მე-2 ტაიმში გუნდმა თამაშს მას შემდეგ მოუმატა, რაც ორ თავდამსხმელზე გადაეწყვეთ...

- პრინციპში, 2 თავდამსხმელით არ გვითამაშია. გელაშვილი უფრო ფლანგზე მოქმედებდა, მაგრამ შუაშიც ხშირად შემოდიოდა. ზოგჯერ, უკეთესი იყო, ფლანგზე დარჩენილიყო. გელაშვილი სწრაფია და ბურთს სულ წინ ითხოვს. თამაშიც ამიტომ გამწვავდა, რადგან ასეთ ვითარებაში მცველისთვის ძალიან რთულია წინააღმდეგობის გაწევა ფეხბურთელისთვის, რომელიც ბურთს მუდამ ზურგს უკან ითხოვს. კარგია, რომ ბიჭები, რომლებიც შეცვლაზე შემოვიდნენ, გუნდს დაეხმარნენ. ჩვენ ძიებაში ვართ და გვინდა, რეალური გუნდი ჩამოვაყალიბოთ, რომელიც გავა მოედანზე და ითამაშებს.

- ლევან ყენია მოედანზე, ალბათ, უფრო მაყურებლების ხათრით შემოიყვანეთ...

- შეიძლება ასეც ჩაითვალოს, მაგრამ მინდა, რომ ამ ბიჭს ფსიქოლოგიურად დავეხმაროთ. არა მგონია, "შალკეში” მან დარჩენილ მატჩებში ითამაშოს. მითუმეტეს, კლუბთან კონტრაქტი უმთავრდება და თუ კონტრაქტს არ გააგრძელებს, არამგონია, სათამაშო პრაქტიკა ჰქონდეს. მას წელიწადნახევარია არ უთამაშია, ამიტომ, გვინდოდა ეგრძნო მოედანი, სათამაშო სიტუაცია. ოფიციალური შეხვედრების დაწყებამდე ბევრი რამ გაირკვევა. იმედია, რომ იმ დროისთვის ლევანი მწყობრში იქნება და კლუბშიც ითამაშებს.

- რამდენად ოპტიმალური იყო დაცვის ხაზი და სად ხედავთ ხიზანიშვილის ადგილს?

- სადაც გუნდს დასჭირდება, მის ადგილს იქ ვხედავ. მომწონს ისეთი ფეხბურთელები, რომლებიც, რა პოზიციაზეც არ უნდა დააყენო, გამოვლენ და ყოველგვარი პრეტენზიების გარეშე ითამაშებენ. ყველა ფეხბურთელისგან მაქსიმუმს ვითხოვთ. პირველი ტაიმის შემდეგ, გასახდელში, მოთამაშეებთან მკაცრი საუბარი გვქონდა, რადგან იმის ნახევრის ნახევარიც არ გაუკეთებიათ, რაც დავავალეთ. მე-2 ტაიმის შემდეგ, ენა არ მომიბრუნდება, რომ მათზე რაიმე ცუდი ვთქვა...

ალბანეთის ეროვნული ნაკრების მთავარი მწვრთნელი ჯანი დებიაზი მსაჯობით ძალიან უკმაყოფილო დარჩა, რაც მატჩის შემდეგ გამართულ პრესკონფერენციაზეც აღნიშნა.

ჟანი დე ბიაზი: "მსაჯობით უკმაყოფილო ვარ. თქვენ თუ თამაში ნახეთ, თავადაც კარგად დაინახავდით, როგორი მსაჯობა იყო. ძალიან მნიშვნელოვანი მატჩი გვქონდა. პირველ ტაიმში ალბანეთის ნაკრები მობილიზებულად თამაშობდა. მე-2 ტაიმში საქართველოს უკან დასახევი გზა აღარ ჰქონდა, შეტევაზე გადავიდა და ამან ჩვენი მარცხი გამოიწვია.

- ალბანეთის ნაკრების თამაშის ხარისხზე რას იტყვით?

- ჩვენ ახლა დავიწყეთ ის პროექტი, რომლის განხორციელებას საქართველო უფრო ადრე შეუდგა. გუნდის გამოუცდელობა იმაშიც გამოიხატა, რომ პირველი ტაიმის შემდეგ ანგარიში ვერ შევინარჩუნეთ და მე-2 ტაიმი დავთმეთ.

- მსოფლიოს ჩემპიონატის შესარჩევ ციკლში, ლორიკანას და ბოგდანის გამოძახებას თუ აპირებთ, რომლებიც დღევანდელ მატჩში არ მონაწილეობდნენ?

- ლორიკანა და ბოგდანი იმიტომ არ გამოვიძახეთ, რომ მათი ფიზიკური კონდიციები სათანადო დონეზე არ იყო. მსოფლიოს ჩემპიონატის შესარჩევში მათი დახმარება აუცილებლად დაგვჭირდება.