 არგენტინის ეროვნული ნაკრებისა და კატალონიის "ბარსელონას" 10–მა ნომერმა, ლიონელ ანდრეს მესიმ, საქებარი სიტყვები არ დაიშურა "მანჩესტერ იუნაიტედის" ახალწვეულის, ხავიერ "ჩიჩარიტო" ერნანდესის მიმართ. იტყობინება გავლენიანი ესპანური გამოცემა "მარკა". შეგახსენებთ, რომ ორივე ფეხბურთელი შეხვდება ერთმანეთს დღეს, 28 მაისს, ჩემპიონთა ლიგის ფინალში, რომელიც გიამართება "უემბლიზე". აღსანიშნავია, რომ ეს ორი ფეხბურთელი მსოფლიო ჩემპიონატზეც შეხვდნენ ერთმანეთს, როდესაც არგენტინის ეროვნულმა ნაკრებმა 1/8 ფინალიდან გამოთიშა მექსიკის ეროვნული ნაკრები. "ხავიერ ერნანდესი ძალიან ძლიერი ფეხბურთელია და არაერთხელ დაეხმარა გუნდს მიმდინარე სეზონში. აღსანიშნავია, რომ "მანჩესტერში" გადასვლამდე მის შესახებ თითქმის არაფერი ვიცოდი. ჩიჩარიტომ შეძლო საკუთარი თავის შესანიშნავად წარმოჩენა. მას აქვს უდიდესი პოტენციალი, რომელიც მომავალში უფრო და უფრო გაიბრწყინებს. ხავიერ ერნანდესი გააძლიერებდა "ბარსელონას" შემადგენლობას. ის ძალიან არაპროგნოზირებადი ფეხბურთელია, არასდროს იცი რას მოიმოქმედებს და თან ესპანურსაც ფლობს". დაასრულა ლიონელ ანდრეს მესიმ.
|
