ბილიჩის არჩეული თერთმეტეული ბრაჩელებთან ასეთი იყო: კარში რუნიე, დაცვაში მარჯვნიდან მარცხნივ – სრნა, ჩორლუკა, შიმუნიჩი, პრანიჩი; ნახევარდაცვის საყრდენად ვუკოევიჩი და მასზე ოდნავ წინ - მოდრიჩი; წინ კი შემტევი ოთხეული და დააკვირდით, ოთხივე ნომინალური ფორვარდია – მანჯუკიჩი, ედუარდო, პერიშიჩი და იელავიჩი. ოღონდ, ბილიჩნა ეს "კვარტეტი” ასე განალაგა – მანჯუკიჩი მარჯვნივ, პერიშიჩი მარცხნივ, იელავიჩი ცენტრფორვარდად და ედუარდო ოდნავ უკან, მეორე ფორვარდად.
შესვენებაზე ბილიჩმა რვა ფეხბურთელი შეცვალა და ესენი ათამაშა: პლეტიკოსა, ვრშალკო, შინდელფელდი, ბარტულოვიჩი, ბადელი, ტომეჩაკი, ვუკუშიჩი, კალინიჩი.
რაც შეეხება გოლებს: დუბლი შეასრულეს მანჯუკიჩმა და პერიშიჩმა, თითო გოლი კი იელავიჩმა, ედუარდომ, ჩორლუკამ და ნაკრების დებიუტანტმა ტომეჩაკმა გაიტანეს.
აღსანიშნავია, რომ ადგილობრივი გულშემატკივრები ზაგრების "დინამოს” ახლანდელ და ზოგიერთ ყოფილ ფეხბურთელსაც უსტვენდნენ – სპლიტის მხარეში ხორვატიის ლამის მუდმივი ჩემპიონი არ უყვართ.
ყველაზე საინტერესო კი ესაა – ნუთუ, ბილიჩი ასე გარისკავს და საქართველოსთან ოთხ ნომინალურ ფორვარდს დააყენებს?