ალბანეთის ეროვნულ გუნდთან ამხანაგურ შეხვედრაში, საქართველოს ნაკრების კაპიტანი ზურაბ ხიზანიშვილი იქნება. ამის შესახებ ნაკრების მთავარმა მწვრთნელმა თემურ ქეცბაიამ ტექნიკურ ცენტრ "ბასაში” გამართულ პრესკონფერენციაზე განაცხადა. აქამდე ეროვნული გუნდის კაპიტანი კახა კალაძე იყო, რომელმაც სანაკრებო კარიერა დაასრულა, რის შემდეგაც ქეცბაიამ არჩევანი ხიზანიშვილზე შეაჩერა.
შეგახსენებთ, რომ საქართველოსა და ალბანეთის ამხანაგური შეხვედრა 29 თებერვალს, მიხეილ მესხის სახელობის სტადიონზე გაიმართება და 18 საათზე დაიწყება.
