| amiko-sport.ucoz.c |
 |
|
მთავარი » 2012 » იანვარი » 28 » ლევან ყენიამ "შალკესთან" ერთად დაიწყო: "საოცარი გრძნობაა!"
9:00 PM ლევან ყენიამ "შალკესთან" ერთად დაიწყო: "საოცარი გრძნობაა!" |
 სასიხარულო ამბავია ქართველი გულშემატკივრებისთვის – როგორც იქნა, ლევან ყენიამ გუნდთან ერთად ვარჯიში დაიწყო. მართალია, 21 წლის ქართველი ნახევარმცველი პარტნიორებივით ჯერ არ იტვირთება და მეტწილად ინდივიდუალური პროგრამით ემზადება, მაგრამ რამდენიმე დღეში წვრთნას უკვე ინტენსიურად დაიწყებს.
ბოლო ერთი წლის განმავლობაში პირველად მოხდა, რომ ყენიამ გუნდთან ერთად ივარჯიშა. მას შემდეგ, რაც კოჭზე მესამე ოპერაცია გაიკეთა, ლევანის რეაბილიტაციის პერიოდი დიდხანს გაგრძელდა და ბოლო პერიოდში ყენია გუნდისგან ცალკე, სხვა მოედანზე ვარჯიშობდა. ახლა კი, ქართველი "შალკეს" მწვრთნელ ჰუბ სტევენსის გვერდითაა.
"ეს საოცარი გრძნობაა. მართალია, ჯერ ცალკე ვვარჯიშობ, მაგრამ გუნდთან ერთად ვარ მოედანზე. იმედია, სრული დატვირთვით ვარჯიშს მალე დავიწყებ", – მოჰყავს ყენიას სიტყვები "შალკეს" ოფიციალურ საიტს.
მოკლედ, რამდენიმე დღეში - უკვე ინტენსიური ვარჯიშები...
შეხსენებისთვის, ლევანმა ბოლოს 2009 წლის 25 ოქტომბერს ითამაშა. კოჭმა ძალიან გააწვალა ნიჭიერი ქართველი, ვისაც სამჯერ მოუხდა ოპერაციის გაკეთება. შარშან იანვარში ყენიამ "შალკესთან" ერთად ვარჯიში დაიწყო, მაგრამ რამდენიმე დღეში კოჭმა ისევ უმტყუნა – ნაადრევად დააწყებინეს და იმიტომ... ახლა კი, ასე აღარაა, ლევანმა ყველა საჭირო პროცედურა გაიარა.
|
|
ნანახია: 850 |
დაამატა: amirani
| რეიტინგი: 0.0/0 |
|
|
|
