”მანჩესტერ სიტი” კატალონიის ”ბარსელონას” ნახევარმცველის, ჩავიერ ერნანდესის შეძენას გეგმავს. შეგახსენებთ, რომ მსოფლიოს საუკეთესო ფეხბურთელის წოდებაზე ნომინირებულ ფეხბურთელს, კატალონიურ გრანდთან აკავშირებს კონტრაქტი, რომელიც ითვალისწინებს ოთხ წლიან პროლონგაციას. თუმცა, სავარაუდოდ კლუბის ხელმძღვანელობა არ შეუშლის ხელს ჩავის, რომ მან ძალები სხვა კლუბში მოსინჯოს, იტყობინება Mirror. ცნობისთვის, ”მანჩესტერ სიტი” მზადაა, ”ბარსელონას” 6 ნომერს კვირაში 150,000 ევროს ოდენობის ხელფასი გადაუხადოს.

ჩავიერ ერნანდესი 1980 წლის 25 იანვარს დაიბარა (31). მისი საფეხბურთო საკლუბო კარიერა მთლიანად ”ბარსელონას” უკავშირდება. კატალონიურ გრანდთან ერთად ჩავის მოგებული აქვს ყველა შესაძლო ტურნირი. ის არის 2010 წლის მსოფლიოს და 2008 წლის ევროპის ჩემპიონი, ესპანეთის ნაკრების შემადგენლობაში. ასევე სიდნეის ოლიმპიური თამაშების ვერცხლის მედალოსანი და 1999 წლის 20 წლამდე ფეხბურთელთა შორის გამართული მსოფლიო ჩემპიონატის გამარჯვებული. 2010 წელს ჩავი ”ფიფამ” საუკეთესო ფეხბურთელის ნომინაციაზე წარადგინა, თანაკლუბელ ანდრეს ინიესტასთან და ლიონელ მესისთან ერთად.