ქარიმ ბენზემა (1-0, წთ.27): მადრიდის "რეალი" მატჩის საწყისი წუთებიდანვე ფლობდა უპირატესობას, მაგრამ მათ გოლის გატანის რამოდენიმე რეალური შანსი გაუშვეს ხელიდან. საბოლოოდ მატჩის 27- ე წუთისათვის, კრიშტიანუ რონალდუს მიერ კარგად მოწოდებულ ჯარიმას ქარიმ ბენზემამ კარგივე დარტყმით უპასუხა და მატჩში ანგარიში გახსნა.
ანხელ დი მარია (2-0, წთ.36): მეორე გოლიც მალევე გავიდა. მადრიდის "რეალის" საჯარიმოსთან სტანდარტი დაინიშნა, როდესაც "მალაგა" მთელი გუნდით მეტოქის ნახევარზე იყო გადასული. "ლოს ბლანკოსის" ფეხბურთელებმა მეტოქე კონტრშეტევაზე დაიჭირეს და მეკარესთან ერთი-ერთზე გასულმა დი მარიამ ხელსაყრელი პოზიციიდან მიზანს არ ააცილა.
მარსელო (3-0, წთ.46): მადრიდის "რეალის" ფეხბურთელების მიერ გათამაშებული შესანიშნავი კომბინაცია. ანხელ დი მარიას ძალიან კარგი გადაცემა გამოუვიდა, ამ დროს მარსელო შეტევაში იყო წასული და საჭირო დროს აღმოჩნდა საჭირო ადგილას. ამან კი მესამე გოლი გამოიწვია "მალაგას" კარში და ამით პირველი ნახევარიც დასრულდა.
კრიშტიანუ რონალდუ (4-0, წთ.52): პირველ ტაიმში არ გაუმართლა კრიშტიანუ რონალდუს, რომელსაც "პიჩიჩისათვის" საბრძოლველად დღევანდელ მატჩში სამი გოლის გატანა უწევდა. მატჩის 52-ე წუთზე მან ბურთი მიიღო და კარგი დარტყმით პირველი გოლი გაიტანა თამაშში.
ქარიმ ბენზემა (5-0, წთ.63): ამის შემდეგ, მადრიდის "რეალის" ფეხბურთელებმა შესანიშნავი კომბინაცია გაითამაშეს. კრიშტიანუ რონალდუმ ფლანგიდან მარსელო ჩართო შეტევაში, მისი გადაცემის შემდეგ კი ქარიმ ბენზემამ თავური დარტმით დღევანდელ დაპირისპირებაში დუბლი გაიფორმა.
კრიშტიანუ რონალდუ (6-0, წთ.69): კიდევ ცოტა ხანი გავიდა და საჯარიმოში ხელით თამაშის გამო "მალაგას" ფეხბურთელი, მანოლო გასპარი მოედანიდან გააძევეს, მას ერთი ყვითელი ბარათი უკვე ჰქონდა. ბურთთან რა თქმა უნდა კრიშტიანუ რონალდუ მივიდა და შესანიშნავი დარტყმით მეკარეს შანსი არ დაუტოვა.
კრიშტიანუ რონალდუ (7-0, წთ.79): ამ გოლს კი კომენტარი ნამდვილად არ სჭირდება. კრიშტიანუ რონალდუმ სერხიო კანალესის კარგი გადაცემის შემდეგ, ჰეთ-ტრიკის შესრულება შეძლო და ამით "პიჩიჩისათვის" ბრძოლაში სიტუაცია ძალიან დაძაბა. პორტუგალიელმა ვარსკვლავმა გატანილი გოლის შემდეგ, მცირე ტრავმის გამო მისივე ნებით დატოვა მოედანი.