ბრაზილიური "სანტოსის” ამომავალმა ვარსკვლავმა ნეიმარმა განაცხადა, რომ მოახლოებულ "ელ კლასიკოში” მხარს დანი ალვეშისა და ადრიანო კორეიას "ბარსელონას” დაუჭერს.
"ყოველთვის ალვეშის მხარეზე ვარ. ეს ამჯერადაც ასე იქნება. "რეალთან” მატჩში დანისა და ადრიანოს გუნდს ვუქომაგებ. "ბარსელონა” მსოფლიოში საუკეთესო გუნდია. მათ ბურთის კონტროლი უყვართ და მშვენივრადაც გამოსდით”, - განუცხადა 19 წლის ბრაზილიელმა ესპანურ პრესას.
შეგახსენებთ, რომ 9 ნოემბერს, ნეიმარმა "სანტოსთან” კონტრაქტი 2014 წლამდე გაახანგრძლივა.